Casharka kow iyo lixdanaad
Gabbalkii baa dhacay.
Diiggii waxa uu fuulay geedkii.
Eygii geedkii buu hoos seexday.
Waagii baa beryey.
Diiggii baa ciyey, ku ku, kuu.
Dawacaa maqashay, way soo oroday, oroday, oroday, waxa ay ag timid geedkii.
Dawacadu ma ay arag eyga.
Diiggii bay ku tiri, "Waar soo deg aan tukanee ."
Diiggii baa ugu jawaabey, "Horta imaamka geedka hoos jiifa toosi."
Dawacadii ayaa aragtay eygii.
Dawacadii baa cararatay, Jararaf Jararaf Jararaf Jararaf Jararaf Jararaf.
Diiggii baa ku qoslay dawacadii, Ha Ha, Ha! Ha!.
Laylis :
1. Diiggu halkee buu joogey markii ay dawacadu u timid?
2. Eygu halkuu seexday?
3. Diiggu muxuu ugu jawaabay dawacada?
4. Imaamku waa maxay?
5. Muxuu diiggu uga jeeday markii uu ku yiri dawacada horta imaamka toosi?
6. Diiggu muxuu ku qoslay?
7. Sheekada ma jeceshahay? Waayo?
8. Ma maqashay sheeko kale oo ku saabsan diig ama dawaco? Ka sheekee.