Maroodiga iyo Diinku waa saaxiib.
Way isla hadlayaan.
Dinkii wuxuu yiri,
"Maroodi, waan kaa dul boodi karaa."
Maroodigii wuxuu yiri,
"Igama dul boodi kartid.
Anigu waan weynahay, adiguna waad yar tahay."
Diinkii wuxuu yiri,
"Haa, waan karaa. Waa inoo berri, Maroodi."

Diinkii wuxuu yimid gurigiisa.
Wuxuu ku yiri xaaskiisa,
"Berri waxan ka dul boodayaa Maroodi."
Waxay ku tiri,
"Ma kartid."
Wuxuu yiri,
"Waan siraynaa."
"Haa, waa yahay, waan siraynaa,"
ayay tiri.

Waa subax.
Diinka iyo xaaskiisu waxay tageen guriga Maroodiga.
Xaaskii Diinku way is qarisay.
Diinku wuxuu u yeeray Maroodiga.
Wuxuu yiri,
"Kaalay bannaanka.
Waxaan rabaa in aan kaa dul boodo hadda."

Diinkii wuxuu ku yiri Maroodiga,
"Maroodi, ma i fiirinaysaa?
Kow, laba, saddex! Kor eeg!"
Maroodigu kor ayuu eegay.
Diinkiina wuu is qariyay.
Naagtii Diinka ayaa soo baxday.
Waxay tiri,
"Ma i aragtaa?"
Maroodigii dhulka ayuu fiiriyay.
Muxuu arkay?


***

Cutubka 18aad