Fasalka 3aad • Cutubka 7.1
Baqlo
Waxa aan u isticmaalnaa gaadiid ahaan basaska, baabuurta, awrta, fardaha, baqlaha, dibida iyo dameeraha.
Meelaha qaar sida Marka iyo agagaarkeeda waxa ay dadku isticmaalaan dibi.
Baqluhu waxa ay ka mid yihiin gaadiidka la rarto ama la fuulo. Baqlaha waxaa iska dhalay dameero iyo fardo.
Laakiin baqluhu wax ma dhalaan oo sida xoolaha kale uma bataan. Ilaahey ayaa u abuuray sidaas. Waxa ay ka mid yihiin xoolaha mucjisooyinka ah ee Ilaahey abuuray.
Baqluhu waa xayawaan xoog badan oo alaab badan qaadi kara marka loo eego dameeraha. Hase-ahaatee, waa in loo naxariistaa baqlaha iyo xoolaha kaleba. Waxa ay leeyihiin naftaada oo kale. Waa in aan la dilin ama wax culus la saarin.
Buuxi meelaha bannaan.
1. Baqlaha waxa aabbe u ah ……
2. Baqlaha waxa hooyo u ah ……
3. Baqluhu waxa aad u …… sida xayawaanka.
4. Waxa aan u isticmaalnaa …… culus.
Xiriiriyayaal - Laakiin
Baqashu waa xayawaan waxtar badan. Baqashu ma dhasho.
Waxa aan ka dhigi karnaa labadan weero oo gaagaaban mid dheer.
Baqashu waa xayawaan waxtar badan, laakiin ma dhasho.
Laakiin waa xiriiriye. Waxa aan u isticmaalnaa in aan iskula xirno laba weero.
Waxa aan isticmaali karnaa marka weerta labaad ay leedahay wax ka duwan weerta kowaad.
Isku xir weerahan. Isticmaal laakiin.
1. Baqasha aabbaheed waa dameer. Hooyadeed waa geenyo.
2. Jaamac waxa uu haystaa cunto.
Ma doonayo in uu siiyo Cusmaan iyo Cabdi.
3. Hadda Cusmaan waxa uu noo sheegayaa runta.
cid rumaysan ma jirto.
4. Maanta waxaa jirta qorrax.
Waxaa dhici karta in uu roob da'o.
5. Macallinkaygii waxa uu i siiyey layli ah shaqo guri.
Waxa aan iloobey in aan sameeyo.
6. Waxa aan doonayaa in aan iibsado macmacaan.
Ma haysto wax lacag ah.