Fasalka 3aad • Casharka 1aad
Xilliyada
Xilliyada Soomaalidu waa afar.
Waxayna kala yihiin: Jiilaal, Gu', Xagaa iyo Dayr.
Jiilaal (Diisambar-Marso).
Waa xilliga uu dhulku abaarta yahay, dabayshuna ka timaaddo Waqooyi-Bari.
Gu' (Abriil-Juun).
Waa xilliga uu dhulku barwaqada yahay oo roobkuna aad u da'o.
Xagaa (Luuliyo-Agosto).
Waa xilliga dabayshu ay ka timaaddo Koonfur-Galbeed.
Roobkuna waxa uu ka da'aa meelaha xeebaha ah ee gobollada koonfureed.
Dayr (Sibtembar-Noofembar).
Waa xilliga uu meel kastaba ka da'aa roob aan sidaa u badnayn.
Laylis
Weydiino
1. Waa immisa xilliyada Soomaalidu?
2. Xilligee bay dabayshu ka timaaddaa Waqooyi-Bari?
3. Xilligee buu dalku aad u barwaaqaysan yahay?
4. Goorma ayay dabayshu ka timaadaa Koonfur-Galbeed?
5. Sheeg bilaha xilliga Maajo iyo Oktoobar ay ku jiraan?
6. Bilahee buu dalkeennu jiilaal yahay?
7. Xilligee baad ugu jeceshahay?
Ku qor jahooyinka ka maqan.
1. Maxaa jahooyinka lagu gartaa?
2. Nin baa magaalo ka baxay.
Toban mayl markii uu u socday Bari ayuu joogsaday.
Haddana toban mayl oo kale ayuu Galbeed u socday.
Wuu istaagay.
Intee buu magaalada uu ka tegay u jiraa?
Magaaladu xagee bay ka xigtaa?
Haddii uu misana toban mayl oo kale Koonfur u socdo xagee bay immika magaaladu ka xigtaa?
Toban mayl buu haddana Bari u dhaqaaqay, xagee bay magaaladii ka xigtaa?
3. Sawir dariiqii uu maray ninku.
Translate this lesson into your own language.
Compare your translation to other students' translations.
* * *
Erayo cuscusub
abaar -ta torka
barwaaqo -da välstånd, överflöd
dabayl -sha vind
dariiq -a väg
xilli -ga årstid