Fasalka 3aad • Casharka 2aad
Macallinkeen Allaw kaal
Hees
Waa madal hadhweynoo
Ceel maaxanaayoo
Aan madhanaynin weligii
Maskaxda iyo maankiyo
Waa ka muruqa laylee
Waa mahiigaanka roobkoo
Dadka oo harraad mutay
maasheeyey dunidee
Dunidoo madaw oo
Mugdiyo cabsi leh oo
Mici ku dhiigliyo
mas dilaa ay joogaan
waa ka marinka nuuree
Mira Janno Allaw sii.
Macallinkeen Allaw kaal.
Laylis
Erayadan macnahooda sheeg.
Madal, maax, kaal, mahiigaan, maansheeyey, mugdi, minan.
Weydiinahan weedho u beddel.
Sida: Geeddi miyuu magaaladii qabtay? → Geeddi magaaladii buu qabtay.
1. Dugsiga miyaa la xiraa?
2. Quraacdii miyaad soo cuntay?
3. Ma berri bay dayuuraddu imanaysaa?
4. Walaalkaa si fiican wax ma u bartaa?
5. Shalay ma roob baa da'ay?
Erayo cuscusub