Fasalka 3aad • Casharka 3aad
Lahaansho ahaansho
Waxa aan ahay arday ku jira Dugsiga Hoose ee Macallin Jaamac. Aabbahay waa bare. Hooyadayna waa dhakhtarad.
Waxa aan leeyahay saaxiibbo badan oo aannu dugsiga ku wada jirro. Waxa aannu wada leenahay kutubta dugsiga aannu ku dhiganno iyo kubbad aannu ku wada dheello.
Gooni ahaan waxa aan u leeyahay buugagga wax lagu qoro iyo qalimada. Waxa kale oo aan leeyahay dharka dugsiga u gaarka ah.
Aniga, saaxiibbaday iyo ardayda kale ee dugsigayagu waxa aannu leenahay barayaal iyo Maamule fiican. Barayaashaasu waxa ay leeyihiin aqoon sare iyo naxariis badan, ardayduna way wada jecel yihiin.
Laylis
Buuxi meelaha madhan.
1. Waxa aan ahay arday.
2. Waxa uu .....
3. Waxa ay .....
4. Waxa aannu .....
5. Waxa aynu .....
6. Waxa aad .....
Buuxi meelaha bannaan.
1. Waxa aan leeyahay kubbad.
2. Waxa uu .....
3. Waxa ay .....
4. Waxa ay .....
5. Waxa aynu .....
6. Waxa aad .....
7. Waxa aannu .....
War celintan dhammaystir adiga oo raacinaya magac u yaallada ku hor qoran.
Tusaale:
Buuggan yaa leh?
Aniga: Waa kaygii.
Adiga: .....
Isaga: .....
Iyaga: .....
Idinka: .....
Annaga: .....
Iyaga: .....
Innaga: .....
Diidmo u beddel weedhahan.
Tusaale:
Cali waa bare.
Cali ma aha bare.
1. Laba shaar baan leeyahay.
2. Guri weyn bay leeyihiin.
3. Gabartani waa fariid.
4. Wiilashu waa arday.
5. Dal ballaaran baannu leenahay.
Erayo cuscusub
dheelaa spelar
diidmo -da negerad form
fariid -ka bra person
gooni -da separat, enskild, ensam -het
shaar -ka (=shaadh, shaati) skjorta
war celiyaa svarar